Била актерка, па станала психолог: 6 факти за свршеницата на Лук Пери

Тој не говореше јавно за врската со неа, а светот дозна дека биле свршени дури по неговата смрт, но Венди била жената што му ја вратила вербата во љубовта.

Смртта на Лук Пери, препознатливиот Дилан од серијата Beverly Hills, 90210, ги шокираше луѓето ширум светот, но, се разбира, најмногу го потресе неговото семејство. Неговите деца Џек (18) и Софи (21), поранешната сопруга Мини Шарм, како и свршеницата Венди Медисон Бауер беа покрај него во последните мигови.

Пери и 44-годишната Бауер својата романса ја држеа во тајност. Не е познато колку точно се состануваа, ниту колку време беа свршени, но парот првпат јавно се појави заедно на настанот GLAAD Media Awards во април 2017 година.

Факти за свршеницата на починатиот актер:

Венди направи Лук повторно да верува во брак по разводот во 2003 со мајката на неговите две деца, со која беше во брак од 2003 година. Инаку неговата ќерка Софи беше на хуманитарна мисија во Африка во времето на смртта на татко ѝ и потоа итно се врати назад.

Една пријателка на Лук за него изјави: „Тој ужива во улогата на татко на неговите деца, но вистинска среќа и радост пронајде со неговата голема љубов Венди.“

Венди е лиценциран семеен психолог и нуди психотерапија на возрасни личности, тинејџери и парови во нејзината отдинација. Специјализирана е за луѓе кои се справуваат со депресија и анксиозност, зависности и низа ментални нарушувања.

Таа е поранешна актерка и 12 години била дел од светот на шоубизнисот, пред да се врати во студентските клупи и во 2011 година да специјализира психологија.

Имала мали улоги во House и The Mentalist.

Родена е 1974 и живее во Лос Анџелес.

Прочитајте и Доживеа мозочен удар, син му е борач: 8 факти за Дилан од серијата „Беверли Хилс“!

С. С. | Црнобело