Том Хенкс има грчко државјанство и уште 9 помалку познати факти за славните

Ема Вотсон е сертифициран јога инструктор

Ема Вотсон е активна во многу области настрана од актерската кариера. Таа е амбасадор за Обединетите Нации, води клуб на читатели на Инстаграм, а истовремено има завршено и курс за јога инструктори.

Бенедикт Камбербач живеел во будистички манастир

Актерот потекнува од Англија, но како дел од неговото духовно патување, некој период живеел во Индија. Откако завршил факултет, Бенедикт волонтирал во будистички манастир каде што ги изучувал будизмот и техниките за медитација, но држел и часови по англиски.

Том Харди има победено во натпревар за убавина

Кога имал 19 години, Том Харди се пријавил на натпревар за убавина и победил. Како награда добил пари, но и договор со модна агенција.

Том Хенкс има грчко државјанство

Том Хенкс, заедно со сопругата и децата, доби почесно грчко државјанство поради помошта што ја пружи после пожарот во близина на Атина во 2018-та година во кој имаше и жртви.

Том и сопругата Рита Вилсон редовно ја посетуваат Грција, имаат куќа таму, а Рита, пак, има и грчко потекло.

Хју Џекмен има завршено новинарство

Хју Џекмен има завршено новинарство, но кон крајот на студиите сфатил дека многу повеќе сака актерска кариера.

Спирова С. | Црнобело