Прабабата на Камила била љубовница на прадедото на Чарлс – Која e Алис Кепел?

Нејзиниот сопруг знаел за аферата со кралот и дискретно излегувал до домот за време на нивните средби. Велел дека „не му пречи аферата затоа што знаел дека неговата сопруга на крај се враќа дома“. Како прабабата на Камила го заведе прадедото на Чарлс и дали историјата се повтори?

Веста дека сопругата на Чарлс ќе ја добие титулата Кралица придружничка предизвика низа текстови за тоа како таа од љубовница успеа да стане сопруга на кралот, а истовремено многумина се присетија и на фактот дека нејзината прабаба му беше љубовница на прадедото на Чарлс.

Според многумина, врската меѓу Чарлс и Камила е повторување на историјата затоа што Камила не е првата љубовница на кралот во нејзиното семејство.

Имено, нејзината пра-прабаба Алис Кепел му била љубовница на кралот Едвард Седми.

Едвард Седми владеел во периодот од 1901 до 1910 година и бил најстар син на кралицата Викторија и брат на Џорџ Шести, односно прадедото на Чарлс.

Прабабата на Камила била Алис Фредерика Едмонстоун позната како Фреди или (Фреди која флертува). Таа биле член на семејство од високите британски кругови, а татко ѝ бил адмирал во британската морнарица.

Пораснала во замок во Шкотска и на возраст од 23 години се омажила за поручникот Џорџ Кепел.

За Алис велеле дека е вистинска убавица, заради бујната костенлива коса, крупните сини очи, тенката половина и бујните гради. За неа велат дека била мошне љубезна, дури и кон луѓето што ѝ биле непријатели.

Алис и Џорџ се преселиле во Лондон и со цел да стигне во повисоките кругови во Лондон, таа почнала афери со повеќе познати личности. Парите и контактите ѝ помогнале брзо да стане хостеса, па така го запознала Принцот Едвард Седми во 1898-ма година, кога тој имал 56 години, а таа 29.

Алис и Едвард имале афера цели 12 години. Таа била љубовница на кралот од неговото крунисување, сè до неговата смрт во 1910-та година.

Велат, дека и покрај големиот број афери Алис и Џорџ имале среќен брак во кој добиле две ќерќи, а нејзиниот сопруг велел:

„Не ми е грижа што прави сè додека пак ми се враќа мене на крај“.

Кога Џорџ ќе дознаел дека кралот ќе дојде во посета на нивниот дом, тој дискретно заминувал од дома, а се знае дека Алис од аферата добила и финансиски придобивки, затоа што кралот ѝ подарил акции во команија за гума во износ од околу 7 милиони долари.

За разлика од Дијана која се спротивставуваше на аферата на Чарлс со Камила, сопругата на Едвард, Александра била во најдобри односи со Алис, па дури велела дека таа повеќе ѝ се допаѓа од претходната љубовница на нејзиниот сопруг.

Сепак, по смртта на Едвард, Александра ја избркала Алис од кралскиот двор.

Денес се смета дека Алис е последната љубовница на кралот на која ѝ било дозволено да биде присутна во дворот.

Алис и нејзиниот сопруг Џорџ на крај се преселиле во вила во Фиренца. Таа починала во 1947-ма година, а нејзиниот сопруг Џорџ починал само 2 и пол месеци подоцна.

Прочитајте и Од љубовница на принцот до кралица – Како Камила помина долги години на трансформација за да ја добие титулата?

Б. С. Б. | Црнобело