Ситници што го прават животот поубав, а ги забораваме

Моментот кога сфаќаме дека сме надминале тешка ситуација или моментот кога некој ќе ни даде комплимент се само дел од ситниците што ни го прават животот поубав, но некогаш забораваме да ги цениме.

Среде бројните обврски и стресот, навистина е лесно да заборавиме на работите што го прават животот убав.

Ова се работи кои се мали и навидум безначајни, но сепак се доволно моќни да ни го разубават целиот ден.

Ситници што го прават животот поубав, а ги забораваме:

1. Возење навечер без некоја дестинација.

2. Одново и одново слушање на омилената песна.

3. Пиење чај под ќебе кога времето е ладно.

4. Долгата прегратка од пријателот што не сме го виделе цела вечност.

5. Насмевката од случајниот минувач на улица.

6. Моментот кога партнерот првпат ќе ни каже дека нè сака.

7. Топлината од сончевите зраци на нашата кожа, по долга студена зима.

8. Читање добра книга или гледање добра серија до доцна во ноќта, кога следното утро сме слободни.

9. Наоѓањето заеднички интерес со нов пријател.

10. Моментот кога сфаќаме дека сме надминале тешка ситуација или сме решиле сериозен проблем.

11. Моментот кога новото милениче почнува да ни верува и првпат седнува во нашиот скут.

12. Мирисот на палачинки наутро.

13. Зборување со часови со најдобриот пријател.

14. Моментот кога некој ќе ни даде комплимент за што било.

15. Смеењето до солзи со саканите.

16. Моментот кога некоја сакана личност ќе ни каже дека нè разбира кога споделуваме некоја наша грижа.

Спирова С. | Црнобело