12 знаци дека сте многу позрела личност отколку што мислите

Им покажувате емпатија на другите наместо да ги осудувате и кажувате „не“ без чувство на вина... Кои се другите знаци дека сте многу позрела личност отколку што ви се чини?

Со текот на времето, секој од нас созрева, но некогаш ни е тешко да се убедиме дека и ние сме станале зрела личност.

Сепак, ако се препознаете во следниве знаци, вие дефинитивно сте созреале:

1. Иако не ги сакате сериозните разговори за проблематични теми, не ги избегнувате. Напротив, дури и инсистирате да се разговара кога има некој проблем.

2. Некогаш се чувствувате навистина мизерно, но го прифаќате тоа како нормален дел од животот. Не ги криете емоциите и знаете дека одвреме-навреме секако дека ќе имате лош ден.

3. Генерално им покажувате емпатија на другите наместо да ги осудувате. Дури и кога ќе направат нешто што воопшто не ви се допаѓа, пробувате да сфатите зошто го направиле тоа пред да им судите.

4. Повеќе не им се лутите на луѓето кои ве повредиле. Можеби не сакате никаков контакт со нив и повеќе не се во вашиот живот, но јасно ви е дека лутината само ви штети вам.

5. Повеќе не трошите време и енергија за да ги импресионирате луѓето кои само ве потценуваат. Помирени сте со фактот дека некои луѓе, едноставно, нема да ве сакаат и дека тоа е сосема во ред.

6. Не чекате до последен миг за да направите нешто. Одговорни сте и навреме ги завршувате обврските, дури и оние кои навистина не ги сакате.

7. Повеќе сакате да бидете сами отколку во друштво на луѓе кои не ви се допаѓаат. Почнувате да ги цените моментите на самотија и знаете да уживате во своето друштво.

8. Читате повеќе, и тоа не само книги. Го надградувате вашето знаење и не се држите само до една област.

9. Се држите до вашите ставови и верувања, но признавате кога ќе погрешите. Не дозволувате туѓите бесмислици да имаат влијание врз вашето мислење, но секогаш имате и доза критичност кон себе.

10. Си дозволувате да ги следите вашите страсти, без да ви е грижа што ќе речат или помислат другите. Гo правите она што ви причинува задоволство, без разлика дали тоа е некој спорт, пишување, цртање или што било друго.

11. Се облекувате за себе. Не носите некоја облека само затоа што е тренди или затоа што сакате да ги импресионирате другите. Имате изградено свој стил и најважно ви е вие да се чувствувате убаво во тоа што го носете.

12. Кажувате „не“ без чувство на вина. Го цените вашето време и не го трошите залудно само за да и удоволите на другите.

Спирова С. | Црнобело