Сигурни знаци дека некој ве лаже, според ФБИ агент

Кои знаци може да ги разоткријат личностите што се обидуваат да ве излажат? На кои детали треба да обрнете внимание?

Телото секогаш ве издава кога лажете. Колку и да се обидувате да се скриете, оние што се искусни во читањето на говорот на телото веднаш ќе ве разоткријат.

Според ФБИ агент, постојат 3 сигурни знаци што секогаш укажуваат на тоа дека некој се обидува да ве излаже.

Скот Тејлор е поранешен ФБИ агент кој бил задолжен за испрашување на заробените во Гвантанамо, а е експерт за откривање на изразите на лицето, детектирање лаги, како и за детално толкување на исказите.

Според него не постои една клучна работа што може да ги разоткрие лажговците, туку повеќе ситни детали што ќе ги забележите ако сте внимателни.

На кои детали треба да обрнете внимание?

Често оближување на усните

Кај луѓето што лажат, често може да се забележи како ги оближуваат усните.

Според детективот, тоа е заради тоа што во телото се ослободува хормонот за стрес, кортизол, кој освен другото предизвикува и сува уста и го забавува лачењето на плунка во устата.

Често трепкање со очите

Скот нагласува дека вообичаено трепнуваме од 12 до 14 пати во една минута, но кога сме под стрес затоа што лажеме, можно е да почнеме да трепкаме повеќе од вообичаено.

Најчесто луѓето почнуваат да трепкаат зачестено веднаш откако ќе ве излажат, па ако не сте сигурни дали некој ви ја кажува вистината добро е да обрнете внимание на овој знак.

Отежнато голтање/поголтнување

Слично како оближнувањето на усните, и видливото подголтнување може да биде резултат на сувата уста и грло.

Често тоа го правиме несвесно, па затоа е знак на којшто дефинитивно треба да му обрнеме внимание, кога сакаме да разоткриеме дали некој ни ја кажува вистината.

Допирање на лицето

Луѓето што лажат може да го покажат стресот под којшто се наоѓаат така што ќе почнат да го допираат лицето, стомакот или, пак, со рацете да го прекриваат делот околу меѓуножјето.

Сепак, овие знаци мора да ги ставите во поширок контекст за да бидете сигурни дека личноста не ви ја кажува вистината. Добро би било да не избрзувате со заклучоци пред да ги соберете сите факти.

Б. С. Б. | Црнобело