Мајките гневни на ZARA заради маичка за деца: „Ова е морничаво, злобно и непристојно“

„Одлична ужинка – гризни ја“ - стои на натписите на маичките што шпанскиот моден гигант ZARA ги вклопи во детската колекција сезонава, но на една мајка од Велика Британија не ѝ се допадна дизајнот. Според неа оваа маичка алудира на секс и педофилија и е повлечена од продажба во Британија. 

Британските медиуми деновиве пишуваат за одлуката на ZARA да повлече од продажба модел на маичка за деца, откако една мајка инфлуенсерка рече дека станува збор за облека со непристојна содржина.

Лора Вилсон е британска инфлуенсерка, која на социјалните мрежи ја осуди маичката за деца на ZARA со јаготки и која рече дека на себе има „мрачен, морничав и несоодветен за деца натпис“.

На маичката на предниот дел пишува:

„Јаготка: Mал наплив на слатка радост. Совршената ужинка“ (The strawberry: A small burst of sweet joy. The perfect snack).

На задниот дел од маичката има слика од јаготки на кои повторно пишува „Совршената ужинка. Гризни ја...“

Според мајката, оваа маичка е навредлива затоа што во англиското говорно подрачје, зборот snack – ужинка има двојно значење и често се користи како сленг, за да се означи некоја личност што изгледа привлечно.

Според неа, маичката има сексуална конотација и ѝ делувала толку морничаво, што не можела да премолчи.

Таа на ТикТок ги праша мајките што мислат, дали се сложуваат со неа и голем број од нејзините следбенички се сложија дека маичката е непристојна за девојчиња.

По видеото објавено од мајката, како што пишуваат британските медиуми, ZARA одлучила истата да биде повлечена од продажба во Обединетото Кралство, но на веб страниците на некои други земји, може да се забележи дека сѐ уште е достапна за продажба.

Погледнете го видеото на мајката:

@chaos.to.sanity

If you think this is wrong - please let me know so i don’t feel crazy… is this wrong? Or not? Personally, I’m disgusted - who is buying this t-shirt for their child?!! #zara #disgusted #foryou #fyp #fypviralシ #makethisviral

♬ original sound - LJ ✨🪬

Што мислите? Дали реакцијата на оваа мајка е оправдана, или понекогаш како родители гледаме опасност и таму каде што ја нема?

Б. С. Б. | Црнобело