Како изгледа да имате 368 килограми?

Кит Мартин (42) наскоро би можел да стане светски рекордер, а ќе успее во тоа без да стане од кревет. Имено, човеков е тежок 368 килограми...

...и се верува дека е најдебелиот жив човек на светот.

Живее во Лондон и не може да стане од кревет, а околу него се грижат 18 луѓе кои го одржуваат во живот. Деновите ги поминува гледајќи телевизија и во јадење.

За појадок обично јаде 8 хот дога, разни чоколади, кекси и колачи за ручек, а за вечера 16 кобасици и голема вреќа чипс.

Кит открива дека почнал да се дебелее на 16 години кога умрела мајка му.

„Не се замарав за ништо. Не ми беше важно што се случува. Јадев сè и сешто“ – изјавува тој за документарецот кој ќе се прикаже наредната недела на британската телевизија.

Тој би сакал да ослаби, но докторите го предупредуваат дека мора да изгуби половина од својата тежина пред да можат да го оперираат.