Бизарно верување за надгробен споменик во Париз: Жени седнуваат на него и го бакнуваат, за плодност и исполнет сексуален живот

На гробишта во Париз се наоѓа надгробен споменик на новинар кој порано бил симбол на отпорот против императорското владеење во Франција. Но, денес неговиот споменик е симбол за плодност, па жени ги допираат гениталиите на статуата, па дури и седнуваат врз неа.

Ширум светот постојат безброј статуи за кои се верува дека носат среќа во љубовта или животот воопшто.

На пример, најпознатата статуа во Верона е онаа на Јулија (од шекспировата „Ромео и Јулија“) за која се верува дека носи среќа во љубовта ако ја допрете нејзината десна дојка.

Ако мислите дека е малку бизарно да се допира дојка на статуа од жена, верувајте дека има и уште побизарно верување, но за друга статуа, поточно надгробен споменик.

На гробот на францускиот новинар Виктор Ноар има негов споменик кој низ годините се претворил во симбол на плодност.

Поради ова, девојки и жени ја допираат статуата, но и седнуваат врз неа, поточно врз делот каде што се гениталиите, со надеж дека ќе имаат среќа да зачнат.

Што се случило со францускиот новинар и како се прославил неговиот надгробен споменик?

Роден во 1848 година во Франција, вистинското име на новинарот било Иван Салмон.

Откако се преселил во Париз, се вработил во весникот La Marseillaise, каде што почнал да го користи псевдонимот Виктор Ноар.

Тој период, сопственикот и уредникот на весникот биле во конфликт со принцот Пјер Бонапарта – правнук на Наполеон, како и братучед на тогашниот владетел на Франција, Наполеон Трети.

Со цел да го реши конфликтот, уредникот на весникот го испратил Виктор Ноар, заедно со уште еден вработен, во домот на Пјер Бонапарта и тоа за да го предизвика на дуел.

Првично принцот го одбил дуелот и изјавил дека сакал да му се спротивстави на сопственикот на весникот, а не на уредникот. Но, ситуацијата ескалирала, поради што принцот извадил пиштол и го застрелал Виктор Ноар.

Новинарот, кој имал само 21 година, починал веднаш.

Јавноста била гневна бидејќи член на кралското семејство убил новинар, па на погребот на Виктор присуствувале околу 100.000 луѓе.

Принцот и онака не бил популарен кај јавноста, па кога не бил осуден за убиството, народот се кренал на нозе и почнале протести низ Париз, од кои дел станале и насилни.

Набрзо потоа, поради Француско-пруската војна, императорскиот режим во Франција бил срушен.

Виктор Ноар, пак, станал симбол на спротивставувањето на народот против империјата.

Тој бил погребан во неговиот роден град и со текот на времето значењето на неговата смрт бил заборавен.

Сепак, луѓето почнале да зборуваат за него, па се одлучило дека новинарот заслужува да му се направи и споменик.

Продолжува на следната страница...