Не проверувајте мејлови после работа – како да си го зачувате мирот?

Прекинете го разговорот кога некој од семејството ќе почне да ве критикува и кажете им дека не сакате ненајавени гости.

Иако е важно, може да биде навистина тешко да поставите граници во односот со другите, особено кога се во прашање членови на семејството.

Поставувањето граници ви помагаат да се заштитите себеси и вашите потреби, па важно е да го применувате ова.

Ако ви е тешко да поставите поголеми граници, тогаш постојат и таканаречени микрограници.

Микрограниците се ако мали стратегии кои ќе ви помогнат да си го зачувате мирот во дадена ситуација.

За магазинот Pure Wow, популарна психијатарка од Њујорк ги споделува микрограниците што ѝ помагаат нејзе.

„Малите граници, како да не одговорите на пораките доцна навечер или да размислите пред да прифатите нешто, му даваат време на вашиот нервен систем да дише“, вели таа.

Не мора да ги практикувате сите микрограници, туку само оние што сметате дека ви се потребни вам. Сепак, ова се само примери што докторката ги применува кај себе.

Омилените микрограници на докторката:

Во романтични врски

- Одвојте неколку минути за себе кога ќе си дојдете дома од работа.

- Една вечер неделно посветете ја само на работи што вам ве интересираат.

- Немојте да си пишувате пораки додека сте на работа.

- Замолете го партнерот да ве ислуша без да ви нуди решенија кога само имате потреба да ги споделите проблемите.

- Самите бидете одговорни за вашите финансии.

- Замолете го партнерот да не ги допира вашите лични работи.

Со семејството

- Прекинете го разговорот кога некој ќе почне да ве критикува.

- Кажете му на семејството дека не сакате ненајавени посети.

- Не мора веднаш да одговарате на пораки и повици.

- Кажете му на семејството дека не сакате да слушате замерки за вашето тело.

- Кажете дека не сакате да бидете вклучени во драма со други членови од семејството.

На работа

- Не проверувајте нотификации и не одговарајте на мејлови кога ќе ви заврши работното време.

- Побарајте од колегите да комуницираат со вас преку мејл, а не пораки.

- Одбијте ја поканата за ручек од колегата кога сакате паузата да ја поминете сами.

- Направете неколку вежби за дишење кога чувствувате дека сте под многу стрес.

- Отворено кажете дека имате премногу обврски ако пробуваат да ви натрупаат нови.

Со пријателите

- Кажете им на пријателите кога не сте расположени за излегување и не излегувајте.

- Кажете им на пријателите ако некое место за излегување ви е премногу скапо.

- Кажете им на пријателите дека не сте расположени за разговор во одредено време.

- Речете им на пријателите да не објавуваат ваши фотки без да ве прашаат.

- Кажете им на пријателите дека не сакате да им позајмувате пари, но дека со задоволство ќе им помогнете на друг начин.

Со непознати

- Одбијте да одговарате лични прашања.

- Кажете дека не можете да разговарате ако некој почне разговор со вас.

- Замолете да го почитуваат вашиот личен простор ако некој стои преблиску до вас.

- Одбивајте прегратки и други допири што не ви се допаѓаат.

Спирова С. | Црнобело