„Прво беше харизматичен, но стана насилен, ми ја запали целата облека – 2 години се подготвував да избегам“

Сара била во средината на 30-тите, но и со две деца од Алекс кога се охрабрила да го напушти.

Сепак, вели дека морала да направи детален план за да ги спаси и децата.

„Мајчинството како да промени нешто во мене. Едно беше јас да живеам во таква врска, но не можев да дозволам и моите деца да живеат така.

Знаев дека морам да си заминам, а за да го направам тоа, морав да бидам финансиски независна. Додека ќерка ми беше бебе, отворив своја маркетинг агенција и тоа ме спаси.

За две години заработував повеќе од доволно за мене и за децата. И, тогаш си заминав“.

Но, пред да си замине, Сара внимателно го испланирала секој чекор.

Нашла нов дом, платил за екстра обезбедување на вратите и прозорите, ја организирала секоја ситница, а му кажала на Алекс дека ќе си оди дури на самиот крај.

Наредните неколку години биле далеку од лесни – Сара се спасила од насилникот, но тој почнал да се бори за старателство. Дури трипати биле на суд.

Во меѓувреме, Алекс се преженил, а истата судбина ја снашла и неговата втора сопруга.

Но, една ноќ, таа повикала полиција бидејќи Алекс вперил оружје кон неа. Го уапсиле, а дури тогаш Сара добила целосно старателство над децата.

Иако проблемите со Алекс завршиле, Сара признава дека ѝ требале дури десет години за да закрепне.

Морала да оди на терапија, почнала да води подобра грижа за неа и постепено да го остава лошото минато зад себе.

Во 2020-та сретнала и нов партнер. Иако поради искуството со првиот сопруг се плашела од интимност, со текот на времето сфатила дека може да му верува.

„Ни требаше време мене и на ќерките да почнеме да му веруваме и некогаш толку многу се плашев, што го оттурнував.

Но, тој секој ден ми кажуваше дека ќе биде овде за мене и за моите ќерки и по некое време можев да му верувам“.

Почнале да живеат заедно, годинава таа дури и го запросила, а сега ја планираат венчавката.

„Ова беше мошне важна година за нас. А, јас сум доказ дека не само што можете да го преживеете семејното насилство, туку и животот може да ви стане подобар.

Можете да ја најдете љубовта од вашите соништа и после тоа“.

Спирова С. | Црнобело