Преплашен е од неа, таа има дечко: Најлудите теории на заговор за бракот на Доналд и Меланија Трамп

Доналд се плаши од Меланија

Доналд делува како личност која нема страв од никого. Но, поранешна вработена во Белата куќа тврди дека се плаши од само една личност – неговата сопруга.

„Ако Меланија виде нешто на вести што не ѝ се допаѓа, може да го искара и да му рече да престане да го прави или зборува тоа. Мислам дека од сите луѓе во Белата куќа, ја слуша само неа“.

Дури и кога биле во прашање важни одлуки, соработниците на Доналд се консултирале и со Меланија ако сметале дека претседателот треба да се премисли за нешто.

„Меланија може или да му помогне да успее, или да го уништи. Таа ги знае сите негови тајни“, додава поранешната вработена.

Меланија го мрази Доналд

Едно е Меланија и Доналд да водат одвоени животи. Но, според некои извори, меѓу нив не само што нема љубов, туку Меланија дури и го мразела сопругот.

„Сум сретнал само една личност што го мрази Доналд повеќе од Меланија. Таа го мразеше и кога го снимаа неговото реално шоу The Apprentice.

Доаѓаа во различни автомобили и таа не му кажуваше ни збор“, вели друг поранешен вработен во Белата куќа.

Доналд ја изневерувал Меланија, но и таа имала љубовник

Одамна се зборува дека Доналд не ѝ е верен на Меланија.

Шпекулациите се разгореа уште повеќе откако порно актерката Сторми Даниелс изјави дека Доналд ѝ дал пари за не кажува дека спиел со неа.

Но, има гласини и дека Меланија е неверна, па дури и дека има дечко за кој Доналд знае.

„Да, Меланија има дечко. Тој е главен на обезбедувањето на Tiffany’s. Нејзиниот брак со Доналд е само договор“, има изјавено познаник на Меланија.

Планирале да се разведат пред Доналд да се кандидира за претседател

Некои извори тврдат дека Доналд и Меланија биле подготвени да се разведат, но останале заедно бидејќи Доналд бил избран за претседател.

„Тогаш Меланија не живееше со него, туку со дечко ѝ. Мислам дека имаа договор – ако Доналд ги изгуби изборите, ќе се разведат.

Но, тој победи, па мораа да направат нов договор‘.

Спирова С. | Црнобело