Лубеница во чаша

Ако веќе пробавте салата со лубеница, сигурно ќе уживате и во ладен коктел од омиленото летно овошје. Освежете се со безалкохолен коктел преку ден и по зајдисонце само дополнете со вотка или џин :)

Леден чај со лубеница

• 1,5 - 2 l вода
• 8 - 10 ќесички чај
• лубеница на ситни парчиња
• малку свеж босилек
• мраз
• шеќер (по желба)

Сварете чај (вкус по желба) и оставете да се излади, прво на собна температура, па во фрижидер.

Пред служење додадете ги парченцата лубеница и ливчињата босилек во бокалот.

Ако сакате помешајте и шеќер по вкус или парченца лимон и служете во чаши со мраз.

Лимонада коктел

• 500-600 g лубеница
• 350 ml лимонада
• 10 g свежо нане

Исецкајте ја лубеницата на поситни парчиња за да може да ги исчистите семките, па иситнете ја во блендер заедно со лимонадата.

Вмешајте го нането и служете со мраз.

Ако сте распложени за алкохолен коктел слободно дотурете 100-120 ml вотка, џин или текила.

Лимонада коктел 2

• околу 1 kg лубеница
• 150 ml цеден лимон (или зелен лимон)
• мраз
• вотка (по желба)

Исецкајте ја лубеницата на поситни парчиња за да може да ги исчистите семките. Ставете ја во блендер со свежо цедениот лимон и сосема иситнете.

По потреба додадете некоја лажица вода и/или уште малку цеден сок по вкус.

Префрлете ја течноста во бокал со мраз. Служете во високи чаши, украсете со тркалца лимон (или лимета) и ако сте расположени за алкохолен коктел слободно дотурете вотка.