Hello Kitty салон за убавина

Ова не е прв пат брендот Hello Kitty, кој беше првично наменет за деца, да се впушти во водите на модата и убавината. Но, за прв пат во Дубаи е отворен салон за убавина од страна на Мијуки Окамура.

Ентериерот на овој салон е во персиски стил, во кој изобилува розевата боја. Заштитното јапонско маче се наоѓа на секој ѕид како единствен детал кој може да го сретнете.

Покрај веќе развиениот бренд за декорирање на нокти, Hello Kitty во соработка на Mac производите за убавина, нуди високо квалитетни третмани. Масажите и бањите кои се промовирани како најголем новитет се очекува да привлечат најголемо внимание од посетителите на овој салон.

Во склоп на салонот за убавина има и кафуле во кое можете да уживате во голем број на десерти и кафиња додека го чекате своето Hello Kitty разубавување.