Колку да оставите бакшиш?

Дури и најштедливите се свесни дека сите ресторани и хотели ширум светот имаат свои правила за т.н. напојница или по наше кажано бакшиш. Обичаите се...

 

...разликуваат од земја до земја па добро е да познавате некакви правила за да не се доведете во непријатна ситуација.

Не треба да заборавите дека премногу или премалку може да навреди некого.

На пример, ако во луксузен хотел во Јапонија сакате да оставите бакшиш вашиот гест ќе биде доживеан како безобразно прикажување на вашето богатство. Доколку, пак, заборавите да оставите бакшиш во САД најверојатно никогаш повеќе нема да бидете добредојдени.

Во многу места во светот ако сте во недоумица подобро е да дадете нешто отколку ништо, препорачуваат експертите од туристичката публикација Fodor's.

Доколку сте во Европа, надокандата за услугата воглавно е вклучена во цената на оброкот. Обичај е да се остави уште 5% до 10% за благодарност, во врвните ресторани.

На таксистите се остава 10% од сумата, а на хотелските разнесувачи нема да погрешите ако им оставите 1 евро по торба.

Стручните лица се согласуваат дека во било кој хотел на светот не морате да оставите бакшип за совет да го разгледате местото во кое сте дошле, но секогаш треба да покажете благодарност затоа што ви излегле во пресрет.

Во Европа е доволно да оставите по 1 евро за секоја услуга како што е организација на превоз до аеродромот или резервација во ресторан. Но, ако имате посебни желби се очекува да оставите најмалку 15 евра, во зависност од барањата.

Како и да е, секогаш бидете љубезни и оставете добар впечаток!