Животни стории: Браќата Кларк стареат наназад

Двајца средовечни браќа кои некогаш имале фамилии и постојана работа, сега се приморани да живеат со своите родители затоа што им е дијагностицирана ретката болест леукодистрофија, од која, како филмскиот лик Бенџамин Батон, стареат наназад.

Метју (39) и Мајкл (42) си играат со вовчиња додека околу нив се расфрлени фигури од Монопол, а на ТВ оди цртан филм.

Ова ретко генетско пореметување го напаѓа миелинот, или белата маса на нервниот систем, `рбетниот мозок и мозокот.

Во случајот на браќата Кларк оваа болест не наштетила само на физичките способности, туку и на емотивната и менталната состојба.

Во април, кога британските весници за прв пат пишуваа за браќата Кларк, нивната ментална состојба била на ниво на 10 – годишници. Денес се уште помлади во главата.

- Како бебињата, и тие се будат често во текот на ноќта. Но, нема да станат слатки дечиња. Телата остануваат на возрасни мажи, што е сосема друго ниво на проблемот, вели нивната мајка.

Моментално јадат нормално, но прашање е кога и тоа ќе стане проблем, исто и одењето... Метју користи инвалидска количка, а Мајкл сè потешко стои сам на нозете.

Иако некои облици на оваа болест се излечиви ако се откријат во најраната фаза и не предизвикуваат комплетна емотивна регресија, за жал за браќата Кларк не постои лек.