Нискокалорични празнични колачиња

Едноставен начин како да се засладите за време на празниците, без да качите неколку килограми повеќе.

Традиционалните рецепти за празнични кекси се едни од највкусните, а воедно со најмалку калории. Пробајте некоја од овие две варијанти на кои едноставно нема да им одолеете.

Ванила ролни

Состојки: 50гр мелено бадеми,  450гр брашно,  120гр путер, 250гр шеќер во прав, 100гр јогурт со арома на ванила, 1 пакување ванилин шеќер.

Подготовка: Измешајте ги бадемите, брашното, маргаринот, 200гр од шеќерот во прав, јогуртот и кесичката ванилин шеќер. Оставете ја смесата да потстои околу еден час. Обликувајте мали кифлички\ролни и распоредете ги на тава за печење. Печете 10 минути на 180 степени. На крај декорирајте со шеќер во прав, чоколаден прелив или мармалад по желба.

Циметни ѕвезди

Состојки: 250гр брашно, 170гр путер, 170гр мелени бадеми, 30гр рендано чоколадо, 170гр шеќер во прав, 2 жолчки, сок од половина лимон, лажичка цимет, цели излупени бадеми, 1 белка.

Подготовка: Путерот, брашното, чоколадото, сокот од лимонот, јајцата, шеќерот и циметот промешајте ги со миксер. Тестото покријте го и оставете го да потстои околу 2 часа на собна температура. Раступкајте го на работната површина и извадите ѕвездички со калап. Распоредете ги на тава за печење и печете 10 до 15 минути на 180 степени. Декорирајте ги со изматената белка и бадемите. По желба додајте им уште малку цимет.