Подгответе: Домашни чоколадни јајца

Сигурно ви текнува на чоколадните јајца со кремаста смеса во внатрешноста кои во детството ги обожававте. Сега имате начин како да ги подготвите за само неколку минути во домашни услови.

Состојки за околу 15 парчиња со средна големина:

• Половина шолја мед
• 6 супени лажици путер, стопен
• 1 лажичка сол
• Арома од ванила
• 3 шолји шеќер во прав
• Прехранбена жолта боја
• 1 темно чоколадо, растопено
  
  

Ставете го путерот во сад, додајте го медот, солта и екстрактот од ванила. Мешајте со миксере додека не добиете еднолична, кремаста смеса.

Постепено додавајте го шеќерот во прав и мешајте додека смесата не добие густина.

Третина од добиената смеса одделете ја во еден помал сад и капнете неколку капки од прехранбената боја. Направете мали жолти топчиња и оставете ги да се стврднат во замрзнувач неколку минути.

Oд белата смеса направете мали кругчиња во кои ќе ги ставите жолчките кои ги направивте, како на сликата.

Потоа обликувајте ја смесата во вид на јајце и повторно вратете ги во фрижидер неколку минути.

Откако растопеното чоколадо ќе се подолади, во него брцнете ги јајцата кои ги направивте. Оставете ги да се оладат во замрзнувач околу 10тина минути.

Од одозгора може да украсувате со чоколадни трошки, цимет или пак да употребите бело чоколадо наместо темно. Изборот е ваш!