Подгответе вкусни велигденски зајчиња

Овие мали симпатични зајачиња се наједноставната декорација со која може да ги изненадите најмладите овој Велигден. Искористете го едноставниот рецепт и интересната постапка со која ќе ги обликувате ушињата и очите на малите слатки зајачиња за да направите нешто необично и интересно на вашата празнична трпеза.

Потребни состојки:

• 2 до 3 чаши сенаменско брашно
• 2 лажици шеќер
• 1 пакување квасец
• 1 лажичка сол
• 1 чаша павлака
• 2 лажици путер
• ¼ чаша вода
• 1 јајце

Начин на подготовка:

Ставете го путерот, павлаката и водата во мал сад и загревајте, но да не зоврие. Оставете го да се излади и додадете ги останатите состојки. Ставете ја смесата и миксирајте додека не добиете еднолично, густо тесто од кое ќе можете да обликувате топчиња.

Раздвојте го тестото на 16 делови и би требало да добиете топчиња со средна големина. Наредете ги на хартија за печење, во тава и кога тестото е уште меко земете ножички и сецнете ги ушињата како на сликата. Потоа можете да ги декорирате очињата со по едно зрно бибер или пак да направите мали дупчиња.

Печете на 375 степени околу 10тина минути или додека не заруменат.

Можете да ги комбинирате со вкусни салати, сосови и месо или пак со сладок мармалад и крем. Имаат неутрален вкус кој навистина ќе ви се допадне во секоја комбинација.

Уживајте!