Како да го отстраните непријатниот мирис од цигарите

Непријатниот мирис од цигарите кој се задржува во просторијата уште долго откако цигарата е изгасната, може да направи да се почувствувате како да живеете во кафуле. Познато е дека оној застојан мирис на никотин повеќе им пречи на непушачите, отколку на оние кои пушат. Кај некои од нив ваквиот воздух во просторијата предизвикува главоболка, а кај други кашлање.

Ако сакате да се ослободите од непријатниот мирис на цигарите, следат неколку совети.

Исперете сè она што може да се испере

Најмногу мирис впиваат завесите и мебелот во домот. Па, веднаш по заминување на гостите – пушачи, исперете ги завесите, а мебелот поминете го со правосмукалка на пареа, која освен што ќе го исчисти и ќе го освежи.

Оцет

Ове е стар и ефикасен трик. Во еден помал сад ставете малку оцет и оставете го да отстои преку ноќта. Докажано е дека оцетот мистериозно го отстранува непријатниот мирис од цигарите.

Лимон или портокал

Потребна ви е кората од наведеното овошје. Распоредете ја насекаде во домот, а таа ќе помоне во ублажување на непријатниот мирис.

Сода бикарбона

Просејте малку сода бикарбона во просториите каде се пушело и оставете ја неколку саати да делува. Потоа всмукајте ја. Содата има способност да апсорбира мириси.

Кафе

Исто како и содата, така и кафето ја има способноста да впива мириси. Но, внимавајте да не оставите дамки онаму каде ќе го ставите. Најдобро е да го ставите во филтер кесички и така спакувано да го распоредите во домот.

Јаглен

Иако, може да си го извалкате домот, сепак неколку внимателно поставени парчиња може да направат чудо со мирисот од цигари.

Сијалица

Познато е дека вклучената сијалица привлекува чад, па сите светлосни тела ќе мора да ги исчистите порано или подоцна.