Би се осмелиле ли да поминете преку овој страшен мост?

Mостот Bay Bridge кој се наоѓа во американската држава Мериленд, веќе 61 година претставува ноќна мора за сите оние кои секојдневно мораат да го поминат за да стигнат до своите работни места во другиот дел од земјата. Некои кои немаат доволно храброст да возат сами, плаќаат по 25 $ за да бидат пренесени.

Овој меморијален мост чие оригинално име е „William Preston Lane“ е долг 7 км и ја поврзува источната и западната страна на земјата. Неговата структура е висока 57 м и е постојано на удар на силните ветришта.

Мостот е отворен 1952 година и е прогласен за деветтиот нај страшен мост во светот. Според кажувањата на жителите, овој мост станува кошмар кога има невреме, а тоа е многу често. Тогаш, возачите буквално не можат да видат каде возат.

Но, преоѓањето по овој мост не е бајка ни кога времето е убаво, бидејќи мостот изобилува со остри кривини, стрмни спуштања и затворени, клаустрофобични места.

Досега, мостот е затворан 4 пати заради лоши временски услови, а колку е тој страшен говори и податокот за таксистите кои возат исклучиво преку мостот за цена од 25 $ и кои за време на возењето освен што треба да се концентрираат на патот, мораат и да ги смируваат преплашените патници.

Верувале или не, постои центар наречен „Bay Bridge Drive Over Help“ во кој испаничените шофери можат да се јават, ако ги фати паника додека поминуваат преку мостот.

Би се осмелиле ли вие да поминете преку овој мост?