Ждребе прифати кадифено мече како да му е мајка

Малото пони по име Бриз, откако остана без мајка по самото раѓање, утеха најде во прегратката на големо кадифено мече.

Вака на кратко може да се опише судбината на ова мало ждребе, кое било напуштено од неговата мајка откако го родила. Ждребето го пронашол еден фармер од Англија, во состојба на шок и сосема дехидрирано.

Сепак, малото пони имало среќа. За кратко е префрлено во прифатилиште каде го чувале и хранеле цела ноќ, но тоа било и понатаму вознемирено бидејќи му недостигала неговата мајка. Така вработените дошле до сјајна идеја.

Во просторијата каде што го сместиле поставиле и неколку кадифени играчки меѓу кои и едно огромно мече по име Батонс.

Батонс и Бриз веднаш се спријателиле и од тогаш Бриз не поминува ниедна ноќ без да се „стутка“ до големиот мендо.

Состојбата на ждребето сега одлична.