Совети за воспитување на децата од познатите

Совет околу воспитувањето на децата секогаш е добредојден. Секој родител има свој начин и свои ставови околу ова. Познатите личности, исто како и сите, се помалку или повеќе успешни родители, па погледнете некои нивни совети и мислења за тоа како да се воспитуваат деца. Можеби ќе пронајдете некој вреден совет.

Вежбајте заедно

„Најдобар начин да ги научите да го сакаат вежбањето и рекреацијата е да бидете пример. Моите деца знаат дека ако не врне, одиме надвор од куќата и организираме „Оз олимскиски игри“. Им поставуваме препреки и трчаме преку нив, им давам тешки задачи за кога ќе паднат да се научат да се подигнат“, кажува доктор Мехмед Оз

Вечерајте заедно

Семејните вечери се правило од кое не смее да се отстапи во Белата куќа. Што и да се случува, сѐ запира во 18 и 30 минути кога е време за вечера. Дури претседателот се труди да ги усогласи своите обврски и да пристигне на време за ручек. „Тие вечери ги користиме за да се поврземе со нашите ќерки, разговараме и минуваме квалитетно време заедно. Забележавме дека кога разговараме, девојките не јадат толку брзо, што е одлично за здравјето“, кажува Мишел Обама.

Не ги осудувајте

„Мојата цел е да ги сослушам моите ќерки и при тоа да ги воспитам и да ги научам, а да не ги посрамотам“, кажува актерката Кортни Кокс

Проверувајте ги состојките на храната

„Понекогаш не обрнуваме внимание на храната која ја носиме дома и претпоставуваме дека на некои продавници можеме да им веруваме. Воопшто не размислуваме колку канцерогени работи има во детергентите или во соковите. Треба да обрнеме повеќе внимание и да ги заштитиме нашите деца“, кажува Џесика Алба која основаше и компанија за достава на еколошки нетоксични производи за бебиња.

Кога сте дома, исклучете сè!

„Исклучете ги мобилниот телефон, таблетот и компјутерот. Децата знаат кога ќе им се посветите 100% и го ценат тоа. Бидете присутни во нивниот живот“, кажува актерката Александра Вентворт.