Направете ефектен лустер од жица и инка

Уредувањето на домот не мора секогаш да биде скапо и напорно, особено ако во изработката на декорациите ги вклучите вашите десет прсти.

Деталите како на пример завесите сликите, огледалата и ламбите за час ќе го освежат наједноставниот простор, а на вас останува да бидете креативни.

Еве како од една жица, една фасонка и инка да направите најоригинален лустер во боја.

Материјал за изработка:

• Приклучок за сијалица (грло) со кабел
• Изолирана жица (потенка за полесно да се обликува)
• Инка
  
  

Постапка:

1. Жицата почнете да ја мотате околу инката од самиот врв.
2. Мотајте густо до самата инка се додека не добиете спирала со сакана должина. Од густината зависи колкава ќе биде должината на лустерот.
3. Пресечете ја жицата и низ добиената спирала провлечете го приклучокот за сијалица со кабелот и ламбата е готова.

 

Совети:

Постојат разни бои на приклучоци за сијалица, а најчесто се користат белата и црната. Одберете ја онаа што подобро ќе се вклопи со бојата на жицата.

Жици има во најразлични бои така што можете д аја одберете онаа што најдобро се вклопува со вашиот простор.