Самопослужување во диско

Во влошена економија, може да се случи дури и некои од сигурните вработувања во рестораните и баровите - келнерите за пијалоци и коктели да станат вишок.

 

Во Амстердам, веќе почнаа да работат, засега само два-три, ноќни клубови кои нудат мини барови и можност гостите сами да се служат.

Едноставно, на рецепцијата се добива пристап до еден од 45-те фрижидери полни со голем избор на пиво, вино и жестоки пијалоци (има и фрижидери само за пиво или за шампањско).

Во нив ќе се најде и нешто да се касне како мезе со пијалокот, а може и дополнително да се нарача свеж суши, сезонски салати или оброци.

И цените се соодветни: безалкохолните пијалоци се од 2 до 2,6 евра, пивата 3,5 евра, виното (0,2 л.) е 5,5 евра, а чаша најскапо виски или водка е 6,5 евра.