Прошетка меѓу облаците: Вакво нешто не сте пробале! (видео)

„Џаспер“ е најголемиот национален парк во канадскиот дел на Камените планини, кој доби нова атракција што сигурно ќе воодушеви многумина.

Од овој месец посетителите на националниот парк „Џаспер“ во Канада имаат можност „да одат по облаците“, бидејќи отворена е платформа за набљудување која буквално го одзема здивот и им овозможува на посетителите да одат стотици метри над земјата.

Станува збор за набљудувачка платформа симболично наречена „The Glacier Skywalk“, а изградена е од челик и стакло.

Овој храбар потег чини околу 21 милион американски долари . Конструкцијата е прицврстена за самата карпа од страна на планината и има облик на лак, а поставена е на висина од 274 метри над долината Сунвапт низ која протекува истоимената река.

Посетителите ќе шетаат по стаклената платформа под која се гледа долината додека одоколу ја имаат глетката на еден од најубавите предели на Канада. Инженерите се одлучиле за искривена платформа со цел да им овозможат на посетителите поголемо уживање од сите страни. Најискривената точка е на оддалеченост од 30 метри од карпата.

Оваа атракција ќе биде отворена за туристите до 19 октомври и се очекуваат над 250.000 посетители во најубавиот период од годината.

Погледнете како изгледа „прошетката низ облаци“: