Како да одберете слатка лубеница?

Многумина се прашуваат како да ја одберат онаа вистинската, најслатката и најсочната лубеница. Сега, стручните лица конечно го дадоа одговорот на ова прашање.

Звукот кој го произведува зрелата лубеница е длабок, додека презреаните лубеници имаат звук како кога удирате во шуплив предмет.

Свежината на лубеницата можете да ја откриете според стеблото. Ако лубеницата е зрела и сочна, од местото каде што има рачка ќе потече мала количина на леплив сок.

Зрелата лубеница има темно зелена боја и е доволно тешка за својата големина, додека незрелата лубеница е многу полесна отколку што изгледа.

При купување погледнете ја и страната на која лубеницата лежела на земја.

Лубеницата на тоа место би требало да биде со кремасто жолта боја, помеѓу бојата на банана и лимон. Доколку тој дел е со бела боја или светло зелена, тоа е знак дека не е доволно зрела.

Како вие ја препознавате зрелата лубеница? Имате некој трик?