Познатата австралиска Whitehaven плажа е лоцирана на островот Whitsunday во северен Квинсленд. Магичниот бел песок е всушност направен од многу ситни парченца корали по милиони години ронење и кршење од големиот син океан. Бидејќи островот е блиску до австралискиот брег, познат е по дневните екскурзии кои го прават “лесно” достапен.

Африканскиот остров Маурициус има толку многу убави плажи, што е невозможно да се одбере една. Околу островот има корален гребен кој овозможува фантастично нуркачко искуство.

Ако Бали по нешто е познат, тогаш тоа се плажите. Полна со популарни одмаралишта покрај брегот, Санур со право ја има репутацијата за една од најдобрите плажи во светот. Тоа што на Бали ќе го доживеете е тоа што од вистински рај може да се очекува.

Лоцирана во најголемиот еколошки резерват во Мексико е Bahias de Huatulco, која се растега на 35км брег, 10 заливи и 35 плажи. Бидејќи повеќето плажи се тешко достапни, ќе би биде удобно можеби со бродче да избегате до некоја од нив.

Во земја на преубави плажи Praia do Rosa е една од најубавите бразилски плажи. Сместена во залив во облик на полумесечина, оваа плажа има ама баш се: песок и дини, сурфање, убави луѓе, преубави бунгалови, па дури и китови од јули до ноември.

Најверојатно попозната кај нас како “Shipwreck”, оваа плажа е најдобар симбол за убавината на грчките плажи. Насуканите остатоци од брод се смета дека се остатоци од шверцерскиот брод Панагиотис, кој локално шверцувал најразлична стока. Богами, баш знаел каде да се насука.

Јасно е дека Антартикoт не е баш континент познат по плажи, но верувајте дека ќе се изненадите. Највпечатлив е Deception Island кој е всушност активен вулкан до пола потопен во вода. Можеби е тешко да се поверува, но благодарение на вулканот е доволно топло да се бањате на ова место. А дурите можете и да пливате заедно со делфините!