Чудесни моќи на бебешката пудра: Корисна и евтина помош во многу ситуации

Бебешката пудра може да ви помогне во разни ситуации и прилики. Од отплеткување синџирчиња, отстранување дамки, па до продолжување на трепките, овој мирислив прав решава многу проблеми.

1. Заплеткани синџирчиња

Кога ќе ви се заплетка синџирчето , на јазолот посипете малку бебешка пудра и доволна ќе ви биде само игла за да го поткачите и отплеткате.

2. Стар мебел

Ако ви пречи специфичниот мирис кој го испушта стариот мебел, може само малку пудра да наросите во фиоките и ќе исчезне.

3. Мрсна коса

Многу шампони за суво миење на косата содржат скроб, а сличен ефект има и пудрата за бебиња. Посипете малку пудра на рацете и истријте ја косата. Пудрата ќе ја впие маснотијата.

4. Леплива постелнина

Ако не сакате да легнете во кревет кој во летните ноќи е некако леплив, посипете пудра на постелнината, ќе ја впие потта и нема толку брзо да ви се затоплува креветот.

5. Карти

Ако сакате покер или играње карти, но тие ви се лепат на прстите или една со друга, истурете малку од пудрата на местото каде што стојат и размешајте ги.

6. Мравки

Истурете бебешка пудра на патот по кој се движат мравките  и брзо ќе се откажат бидејќи не поднесуваат силни мириси.

7. Мрсни дамки

На облеката на која ви капнала капка масло, ставете малку пудра пред да ги ставите за перење. Така, пудрата ќе ја впие маснотијата.

8. Ракавици за миење садови

Ако тешко ги навлекувате гумените ракавици за садови, посипете малку од оваа пудра во нив.

9. Патос, паркет или ламинат кој крцка и чкрипи

Ако подот ви крцка или чкрипи, во фугите сипете од бебешката пудра и ќе го решите проблемот.

10. Песок на нозете

Ако сте на плажа и ви пречи песокот на нозете пред да одите дома  намачкајте ги стапалата со пудра и песокот ќе се исчисти.

11. Трепки

Нанесете малку пудра на трепките пред да ставите маскара и ќе видите како наеднаш ќе ви изгледаат издолжени.

12. Ако ви се потат нозете...

Ако ви се потат нозете, посипете малку пудра во обувките и нозете нема ниту да ви се потат ниту да ви се лизгаат.