Зошто септември е најопуштениот месец во годината?

Добро сместете се во омилените фотелји, подигнете ги нозете и опуштете се, затоа што од денес почнува најопуштениот месец во годината, тврдат научниците.

Тоа го тврдат британските истражувачи кои им порачуваат на сите максимално да го искористат овој месец пред студената зима.

Наводно, декември и јануари се најстресните месеци во годината, затоа што додека температурите паѓаат – нивото на стрес расте.

Дејвид Вилијамс, директор на групата која го правела ова истражување вели дека новогодишните и божиќни празници влијаат негативно на луѓето, односно дека токму тие го зголемуваат нивото на анксиозност.

„Пронаоѓањето на пари за подароци и договарањето со кои пријатели и роднини треба да се прослават овие празници го зголемува стресот,“ вели тој.

„Не е јасно зошто луѓето токму септември го одбраа како најопуштен месец во годината. Можеби е заради релаксираното чувство по враќањето од летниот одмор или пак заради тоа што знаеме дека децата се враќаат на училишта,“ додава Вилијамс.

Како вие го доживувате почетокот на месец септември?