Атомобилот и карактерот

Дали знаете дека не е нималку случајно ако некој се одлучил за мерцедес, а некој за опел или пежо. Секако, изборот на автомобилот е најчесто условен...

 

...од финансиската состојба, но француските филозофи го занемариле тој фактор и се впуштиле во подлабока анализа за сопственикот на автомобилот.

Мерцедес - Амбициозен кој гордо се покажува возејќи го својот автомобил и се обидува да биде забележан. На патиштата е често арогантен, а таков е и во приватниот живот, склон е на авантури. Изразито е амбициозен и се труди во се да биде најдобар.

Цитроен - Во својот удобен автомобил обожава да крстосува по патиштата, посебно во живописни предели. Уште ако во друштвото е сакана и почитувана личност, тогаш нема некој посреќен од него. Маните му се што е расеан, дава ветувања, а не ги исполнува. Многу е духовит, но понекогаш претерува во шегите и со нив делува несериозно.

Мазда - Квалитетот му е поважен од дизајнот, потребен му е автомобил кој нема да го изненади и изневери, а по тој критериум ги бира пријателките и пријателите. Сака брзо возење, но ретко се впушта во таков предизвик. Најважно му е до целта да пристигне безбедно. Во љубовта не е склон на романтични изливи и нежност.

Пежо - Позади воланот на некој кој поседува ваква марка на автомобил најпрво ќе забележите широка насмевка. Кога сопственикот ќе излезе од тој автомобил се забележува неверојатен вкус во облекување како и голема самодоверба. Но, сепак тоа е само фасада бидејќи во прашање е маж со романтична душа кој вечно трага по жената на својот живот.

Алфа ромео - Фалбаџија на кого жените му се на прво место на листата со приоритети. Секогаш е опкружен со убави девојки, излегува на познати места низ градот и носи само брендирана облека. Неговата машина е секогаш беспрекорно чиста со цел да го привлекува вниманието каде и да се појави.

Фолксваген - Мажот кој вози фолксваген како да е залутан во 21-от век. Не сака нови трендови, слуша стари хитови во својот автомобил и никогаш не се брза кога е на пат. Не е амбициозен и помалку е спор, но многу е доверлив како партнер и е поврзан со семејството. Само неопходност може да го натера да го промени автомобилот и неговата поубава половина.

Џип - Авантуриста кој не се плаши од предизвици и во животот постојано бара промени и авантури. Изразито е спортски тип и е хиперактивен, му одговара жена која може да го прати. Не знае за компромисни решенија и толеранција. Конфликтите најчесто ги решава така што седнува во својот џип и си оди без поздрав во непознат правец.