5 трикови за сигурно одење по мраз

Откако прекрасниот снег ќе се претвори во дебела, замрзната прекривка почнуваат вистинските зимски маки - лизгања, паѓања, болки во грбот и нозете...

За да ја совладате вештината за безбедно одење по мраз не ви треба многу, само овие 5 чекори:

1. Ослободете ги рацете

Додека одите никако не смее да ги држите рацете во џебови, а ниту пак да се товарите со кеси. На тој начин доколку паднете нема да можете да се задржите.

2. Одете со подраширени нозе

За да бидете постабилни се препорачува да одите малку пошироко. Раширете ги нозете и нека не ви е грижа како изгледате, не сте на модна писта.

3. Пробајте го трикот со пресечени чорапи

Одберете чорапи кои се во иста боја со вашите чизми и пресечете ги кај прстите. Навлечете ги преку чизмите и на тој начин ќе го фиксирате секој чекор за земјата. Овој трик најмногу може да им послужи на малите дечиња кои обожаваат да трчаат.

4. Одете навалени нанапред

За да се заштитите од можното паѓање, телото навалете го нанапред. На овој начин ќе бидете многу постабилни, отколку ако сте целосно исправени.

5. Избегнувајте да носите спортски обувки или чизми на полна пета

Спортските патики оставете ги за кога ќе стопли, а чизмите на полна пета за кога ќе биде малку посуво. Масивните гумени ѓонови и удобни модели на чизми се секогаш подобар избор за да воспоставите баланс на градскиот асфалт.