Со Фотошоп си направила совршено тело, но повторно добила негативни коментари
Кеси Хо е фитнес инструкторка која е позната по тоа што има креирано т.н. блогилатес часови преку YouTube канал, каде секој може да види техники на пилатес, но и да бидат дел од нејзините работилници за вежби.
Сепак, со оглед на тоа што сето тоа е јавно, секој може да си искоментира што сака, па на некој да му се допаѓа или не. Секој може да дава свои забелешки и да има различен поглед на нештата.
Но, некои од коментарите знаат да бидат и навредливи. Таа често добивала коментари дека не е убаво градена, дека е дебела и слично.
Поради тоа, решила да сними видео во кое со фотошоп ќе си направи совршено тело, според забелешките во коментарите и да види дали тоа ќе им се допадне на сите.
Но, имала и дополнителна цел, да им покаже на луѓето дека сè што не е природно не изгледа добро на секого, дури е и смешно.
Го намалила струкот, ги зголемила градите и задникот. На крај кога ја објавила фотографијата со „новото“ тело.
На некои им се допаѓало, на некои не им било доволно слабо, а некои пак сметале дека е анорексична.
Сепак, се покажало дека што и да направите, како и да изгледате секогаш ќе има различни коментари, според различните вкусови и погледи на луѓето.
Но, она што е важно да се забележи е дека скоро на сите луѓе коментарите им влијаат и може да ги растажат, депримираат, разочараат или да ги натераат да си направат и многу полоши работи на себе само за да им се допаднат на другите.
Затоа треба да внимавате што коментирате, бидејќи никој нема право да им суди на другите.
Би можело да ве интересира:
Препорачуваме
Најчитани неделава
