7 Трикови со кои ќе изгледате попаметно

Не мора да бидете интелигентни за да изгледате паметно, туку доволно е само да ги практикувате овие 7 трикови...

Од начинот на држење на пивото во кафуле па сѐ до начинот на кој се движите, имаат големо влијаение врз целокупниот ваш изглед.

Ако сакате да оставите добар впечаток и да изгледате паметно, следете го ова:

1. Не го држете пивото

Седнете на шанк или на маса, но никако не стојте на страна со пивото во рака. Истражувањата покажале дека луѓето кои држат пиво во рака изгледаат помалку интелигентни, отколку што навистина се.

2. Движете се со иста брзина како и сите останати

Следете ја толпата и вклопете се во неа, така ќе влезете во единството. Доколку се движите побавно, односно побрзо од останатите, луѓето за вас ќе мислат дека сте глупави. Затоа, следете го ритамот.

3. Ставете си очила

Ако не ви требаат со диоптер, тогаш набавете си без, но сепак ставете си. Не е тајна дека и девојките „паѓаат” на момци со очила и обратно, а тука главна улога игра фактот што тие ве прават да изгледате попаметно.

4. Употребувајте графикони

Имате состанок на работа или презентирате семинарска на факултет? Употребете графикон. Луѓето повеќе ќе бидат убедени кога вашето истражување ќе го „видат и помирисаат”, а за тоа е совршен графиконот.

5. Зборувајте брзо

Експресниот говор, без паузи, гласно и со самодоверба остава кај другите впечаток дека личноста која зборува има високо ниво на интелигенција. Па, вежбајте дома.

6. Гледајте ги луѓето во очи

Кога гледате некого во очи додека зборува, тоа остава впечаток дека го почитувате, но и дека станува збор за паметен човек кој умее да го следи соговорникот во секој негов збор.

7. Облекувајте се паметно

Облеката која ја носиме игра голема улога во туѓата перцепција. Но, освен што облеката има големо влијание врз другите, со тоа што ќе бидете паметно облечени вашата самодоверба ќе расте.