Избор за најубав геј маж

Кина наскоро ќе го организира првиот натпревар за убавина за геј ориентираните лица, иако во таа земја хомосексуалноста е сеуште чувствително...

 

... прашање.

Победникот ќе има право да учествува на светскиот натпревар за најубав геј маж, известуваат организаторите. Натпреварот "Mr Gay China" ќе се одржи на 15 јануари во еден клуб во Пекинг, а победникот потоа ќе има право на учество на "Gay World", што ќе се одржи во февруари во Норвешка.

"Како и на сите слични манифестации, учесниците ќе продефилираат на пистата во спортска комбинација, потоа во костими за капење, за потоа ќе одговараат на прашања кои ќе ги поставуваат членовите на жирито", изјавиле организаторите.

На овој натпревар ќе може да се пријават кинески државјани, но и странци кои живеат во Кина. Колку за потсетување, до 2001 година во Кина хомосексуалноста се сметаше за ментална болест и сеуште е табу тема за голем дел од кинеската популација.

И покрај големата фама околу овој натпревар за убавина, кинеските медиуми нема да бидат повикани да го следат ова случување.

"Ризично е да привлекуваме големо внимание на јавноста околу ова случување, и на тој начин ќе бидеме изложени на разни непотребни потешкотии", оценија организаторите.

Во 2005 година, China Daily објави податок според кои се проценува дека во Кина живеат 30 милиони хомосексуалци.