Брилијантен одговор на сопственик на еден ресторан откако добил поплаки за аутистичниот келнер
Сопственикот на еден ресторан бил потресен откако неколку клиенти изјавиле дека не сакаат да бидат служени од неговиот келнер кој е аутистичен.
Мајк Џенингс е сопственик на местото „Grenache“ во Манчестер кој неодамна го вработил Енди Фостер, 45-годишен човек со аутизам кој покрај другото се грижи и за својата мајка со Алцхајмер.
„Клиентите се чинеше дека имаат проблем со фактот што ги служи иако добро си ја вршеше работата. Им објаснив дека има аутизам, а нивниот одговор беше дека не сакаат да ги служи. Дури и ме прашаа зошто сум го вработил во ваков ресторан. Не можев да поверувам“ – објаснува, Џенингс.
Потресен од случката на Фејсбук објавил:
„Денес денот го поминавме во враќање на самодовербата на еден член од нашиот тим, откако не беше почитуван и беше социјално дискриминиран од луѓето на една маса кои беа на вечера во нашиот ресторан.
„Нешто не е во ред со него?“ и „Зошто би го вработиле?“ беа прашањата кои ги добив од нив.
Тука во „Grenache“ вработуваме луѓе врз основа на нивното искуство, знаење и пасија за работата, НЕ за бојата на нивната кожа или како изгледаат, колку тетоважи имаат, бројот на нивната облека, религиозните верувања или болестите. Не дискриминираме!
Ако вие дискриминирате... Тогаш ве молиме не резервирајте маса во „Grenache“. Не го заслужувате нашето време, ниту почит!“
Thoughts on an incident which occurred last night....Totally unacceptable.Strongly worded but we need to get our point across.#equalopportunities
Posted by Grenache Restaurant onЕнди бил пријатно изненаден од неговиот шеф и објаснува дека ова не му бил првпат да биде дискриминиран и обично не го зема тоа при срце, но тоа не значи дека не може да биде повреден.
Н. Г. | Црнобело
Би можело да ве интересира:
