Импресивни скулптури кои можете да ги видите само двапати на ден

Новата инсталација поставена во Лондон од страна на британскиот уметник и подводен скулптор Џејсон деКерис Тејлор е позната под името „Четирите јавачи на индустриската апокалипса“.

Тејлор добил идеја да ги постави овие скулптури така што тие ќе може да се гледаат целосно само во рок од два часа за време на плимата и осеката на реката Темза.

Идејата зад оваа инсталација е луѓето да размислат за климатските промени кои ги носи со себе индустриската ера и можеби да ги натера дури и да преземат нешто во врска со тоа.

На четирите скулптури се претставени два дебели бизнисмени и две деца. Децата се приказ на новата генерација која ќе се спротивстави на еколошката катастрофа и ќе го спаси светот. Сите јаваат на коњи чии глави наликуваат на пумпи за нафта.

• 
• 
• 
• 
• 
• 
• 
•  

М. С. | Црнобело