Бои за поголема енергија

Денес се почесто луѓето се жалат на проблеми со спиењето, умор, изнемоштеност, нервоза и раздразливост, недостиг на енергија. Фенг шуи...

 

...може да помогне во пребродување на овие симптоми кои влијаат на нашето физичко и ментално здравје. Тоа не може да ја излечи депресијата, но може да направи окружување кое ќе ја поттикне нашата животна енергија.

Така, покрај внесувањето на природни извори на витамини и антиоксиданти (јаболки, цитрони и останато овошје и зеленчук) потребно е да го преуредите вашиот дом.

Научно е докажано дека боите делуваат на нашата психофизичка состојба. Преку нив можеме да го намалиме негативното расположение и немоќноста.

Три бои кои значително го подобруваат расположението се црвената, жолтата и зелената. Во природата боите ги поврзуваме со нивниот извор и пораката која ни ја дава истиот.

На пример: Сонцето го перцепираме како жолто. Заради тоа жолтата боја ни праќа порака на светлина и сјај. Сончевата светлина поттикнува создавање хормони на расположението кои овозможуваат оваа боја да ја поврзуваме со оптимизмот.

Црвената боја праќа порака која не поттикнува на акција, возбуда и ентузијазам.

Пигментот кој дава боја на 90% од билките, хлорофилот, е со зелена боја.

Хлорофилот содржи ензим кој го поттикнува растот и развојот. Зелената боја се поврзува со раст и обнова, неопходни за поттикнување на нашиот дух и позитивното расположение.

Затоа, се препорачува да внесете свежа зелена, жолта и црвена и во вашиот дом. Може дел од ѕидовите, теписите или постелнината.