Финска е првата земја во која не се учат посебни предмети во училиште

Едукативниот систем во Финска се смета за еден од најдобрите во светот. На светските топ листи се наоѓа меѓу најдобрите 10.

Но, измени сè уште се случуваат, па така локалните власти одлучиле децата повеќе да не учат посебни предмети.

Наместо учењето да се сведува на физички раздвоени предмети како јазик, математика, историја, географија, децата во Финска учат теми.

Пример Втората светска војна се изучва како наслов кој спаѓа во историја, географија и математика.

Ваквиот систем се применува за децата над 16 години, односно во средните училишта.

Како што е планирано, секој ученик има право да си одбере тема или феномен кој подетално ќе го проучува. Само така ќе се избегнат прашањата од типот „зошто ми е ова?“ и „зарем некогаш во иднина ова ќе ми затреба?“

Исто така, учениците не се приморани да седат во клупи, чувствувајќи досада и анксиозност. Наместо тоа, работат во мали групи, водени од професорите.

Финскиот едукативен систем ја поттикнува тимската работа.

Примената на овој систем се очекува да биде спроведен во сите училишта до 2020-та година.

М. Д. | Црнобело