7 правила за културно однесување кои често ги прекршувате

За повеќето, бонтон правилата се дел од минатото, па така отворањето на врата на дамата е заборавено, исто како и придржувањето на капутот пред излегување.

Но, сега не зборуваме како да бидете џентлмени и дами, туку едноставно како да бидете културни луѓе.

За таа цел, треба да почитувате 7 многу едноставни правила:

1. Ракоплескајте правилно

Не ракоплескајте пред лицето. Рацете треба да ви се во ниво на градите, благо накривени на лево. И очигледно, не ракоплескајте пред нечие туѓо лице.

2. Влегување во автомобил

Заборавете на влегувањето во автомобил со нога. Прво треба да седнете странично, па да ги повлечете нозете, посебно ако сте дама.

3. Не покажувајте ништо со прст

Во ред е да сакате да покажете нешто во далечината, но тоа не го правете со прст, туку со отворена дланка.

4. Кашлате без да ставите рака преку устата

Поточно, левата рака треба да се најде пред вашата уста, а не десната.

5. Ги враќате садовите - празни

Ако некој ви донесе храна во чинија или било каков сад, никогаш не го враќајте празен. Ставете било што, макар и неколку купени чоколатца во него.

6. Солта се подава исклучиво заедно со биберот

Солта и биберот никогаш не се двојат, дури и ако некој ви рече „Подај ми ја солта.“

7. Ја носите чантата во десната рака

Ова е проблем доколку треба да се поздравите. Тука настануваат неколкуте чудни секунди додека човекот спроти вас ве чека со пружена рака, а вие ја префрлате чантата.

М. Д. | Црнобело