Што ако парите не ни се важни? (видео)

Алан Вотс е еден од најистакнатите толкувачи на источните филозофии за западот. Тој се преселил во Сан Франциско во раните `50-ти години на 20-иот век и го напишал еден од најпознатите бестселери „Way of zen“, со што станал најзначајниот претставник на зен-будизмот, хиндуизмот, таоизмот и неколку слични форми на источната филозофија.

Тој преку своето телевизиско шоу „Eastern wisdom and modern life“, во 1960 година им го претставил на Американците еден од најегзотичните концепти на медитацијата. Алан со своите лекции ги терал луѓето за момент да застанат и да погледнат на своите животи од една свежа перспектива. Вотс ги предизвикувал западните амбиции за правење пари да ја пренасочат ексклузивноста на своите мисли кон сѐ останато во животот.

Па така, додека си го пието вашето утринско кафе и го планирате текот на денот, запрашајте се себеси дали заработката ја ставате пред сопствената среќа или пак ја насочувате својата страст кон она што ве прави среќни, работите совесно, па чекате парите сами да дојдат?

Веројатно сте задоволни од одговорот кој си го дадовте сами на себе. Доколку е тоа така, уживајте во кафето и во остатокот од денот.