Како им почнува денот на познатите? Обама пие зелен чај, Гејтс се буди со Coca-Cola

Познатите личности открија со кој пијалак и ритуал го започнуваат денот, а дел од нивните избори можеби и ќе ве изненадат.

Милијардерот Бил Гејтс утрото го започнува со диетална „кока-кола“, додека актерката Блејк Лајвли секое сабајле пие топло чоколадо.

Пејачката Тејлор Свифт се „расонува“ со кафе лате со вкус на ванила или карамела, а основачот на Твитер, Џек Дорси, самиот сака да си подготви домашно сварено кафе.

За разлика од нив, познатиот светски готвач, патник и автор на книги Ентони Бурден не е пребирлив. Пие било какво кафе и вели дека му е „гориво“ со кое го „извозува“ целиот ден.

Некогашната пејачка на групата „Spice girls“, а сега модна дизајнерка, Викторија Бекам, веднаш по будењето пие зелен чај, па дупло еспресо, а на крајот појадува овошје. Утринската рутина на модниот дизајнер Мајкл Корс, пак, подразбира испивање на леден чај во кој додава парче лимон.

Манекенката Роузи Хантингтон-Вајтли секое утро пие три пијалаци: кафе, шишенце вода, а потоа и свежо исцеден сок.

Од друга страна, Наоми Кемпбел никогаш во животот не се напила ни голтка кафе, бидејќи не го поднесува неговиот мирис. Наместо тоа, наутро пие топла вода со лимон или зелен чај.

На модниот дизајнер Александар Ванг денот му почнува со свежо исцеден сок, а на поранешниот американски претседател Барак Обама со зелен чај.

Тенисерката Венус Вилијамс секое утро си подготвува смути со авокадо, банана, бадемово млеко и протеин во прав.

Како започнува вашиот ден?

М. А. | Црнобело