Како полесно да ги запаметите своите соништа?

Соништата се голема, неистражена област од човечкиот живот. Некои ги сметаат за пророштва, други тврдат дека се предизвикани од минатиот живот, додека трети сметаат дека се работи за активирање на потсвеста додека спиеме.

Науката нема официјален одговор на оваа тема, а сè повеќе луѓе се трудат да го запаметат она што го сонувале во текот на ноќта.

Ова се неколку совети кои ќе ви помогнат во тоа:

Нутриционистичка поддршка

Најдобра билка за оваа цел е дивиот пелин. Една нејзина активна супстанца се смета дека помага при поттикнување на меморијата поврзана со соништата. Покрај него, и витаминот Б6 е одличен за оваа цел.

Знајте дека сè е во ред и нормално

Една од основните причини зошто несвесно ги исклучуваме соништата од нашата меморија е несвесниот страв да не откриеме нешто лошо за себе. „Наместете“ ги мислите дека сè е во ред и нема нешто што не можете да поднесете.

Будете се природно

Потрудете се да станете без аларм доколку сакате постепено да излегувате од РЕМ фазата.

Бидете упорни и насочени

Насочете ги мислите кон соништата, визуелизирајте ги, обидете се да се сетите барем на некој детаљ. Исто така пред спиење ментално подгответе се и убедете се самите себеси дека утре ќе се сеќавате.

Споделувајте ги соништата

Раскажувајте ги на глас на некој кому му верувате. Како што раскажувате, ќе забележите дека ќе ви се открива дел по дел, слика по слика од она што сте го сонувале.

Запишувајте ги

Најдобар момент да ги запаметите соништата се првите 90 секунди откако ќе се разбудите. Затоа до себе чувајте пенкало и тетратка во која ќе го запишете она на што прво ќе се сетите, односно најважното. Потоа со анализирање и размислување ќе ја склопите целината.

М. Д. | Црнобело