Генијални маркетиншки трикови кои успеваат на сите нас

Компаниите секогаш се во потрага по тоа да пронајдат нови, креативни и паметни маркетиншки трикови со кои ќе го привлечат вниманието на своите потрошувачи и ќе привлечат нови.

Еве неколку такви примери:

„Taxi Mike“

Оваа такси компанија направила постери каде покрај тоа што се рекламира себеси, исто така, има и водич за сите кафулиња, барови и места за забава каде секако, може да одите користејќи ги нејзините возила.

„HBO“

За да ја рекламираат третата сезона на „Игра на тронови“, „HBO“ направиле сенка од змеј која се појавува на случајни места.

„Marlboro“

Порано луѓето кога ваделе цигари од кутија не се гледал брендот, па „Marlboro“ решиле да направат кутија која мора да се извади од џеб за да се отвори и земе цигара.

„IKEA“

Долгите и заоблени патеки во продавниците на „IKEA“ не се случајни. За да бидат сигурни дека секој производ кој е на распродажба нема да остане незабележан од потрошувачите, тие го прикажуваат најмалку трипати за да креираат желба да биде купен и покрај тоа што не ви е потребен.

„Harley-Davidson“

Познатиот бренд на мотори има политика каде секој кој ќе влезе со тетоважа од нивниот бренд ќе добие попуст на производите.

„Alka-Seltzer“

Оригинално рекламите за овие апчиња, прикажувале само едно апче кое се раствора во вода, ама потоа решиле да стават две. По нив и брендовите за шампони почнаа да го наметнуваат верувањето дека треба двапати да ја миете косата за да се зголеми продажбата.

Бричеви за мажи и жени

Маркетинг истражувачите откриле дека мажите и жените имаат различни потрошувачки навики и дека жените имаат тенденција да трошат повеќе пари за производи за разубавување. Па така се измислени различни цени за машките и женските бричеви, кои во основа, се исти.

„Starbucks“

Еднаш се појавила компанија која била чиста спротивност на „Starbucks“ со цел така да го привлече вниманието на своите потрошувачи. Што направиле од „Starbucks“? Ја купиле компанијата и продолжиле со политиката на компанијата за да привлечат повеќе потрошувачи.

Н. Г. | Црнобело