Каков тип на турист сте вие?

Додека едни се пијанчат, други од утро па до вечер шетаат низ разни културни знаменитости. Дали сте забележале дека кога сте на одмор секогаш...

 

...се среќавате со исти типови луѓе без разлика во која земја се наоѓате?

Напорни туристи има насекаде, а меѓу посебно иритирачките типови се следниве:

1. Алкохоличари

Нејасно е зошто овие личности кои сакаат да го поминат одморот во пијана состојба воопшто трошат пари на сместување и патување.

Туристите кои не се одвојуваат од чашата се препознаваат кога во 11 часот наутро се уште се залепени за хотелскиот шанк.

Откако ќе се исцедат од пиење одат во собата и вечерта иста песна.

2. Освојувачи

Првиот ден ја снимаат ситуацијата, а веќе вториот ден почнуваат со освојување згодни туристки.

Често, паралелно радуваат две девојки, се со цел дома да се вратат со богато сексуално искуство.

3. Зависници од движење

Зборот одмор им е тотално непознат. Наутро трчаат по плажа, после појадок се во хотелската фитнес сала, навечер секако пак трчаат, а на лежалка не се задржуваат повеќе од 10 минути.

4. Истражувачи

Пола година пред самото патување истражуваат и анализираат места кои би можеле да ги посетат. Прво прелистуваат водичи на интернет и контактираат луѓе, а на самото патување се постојано под стрес – трчаат по сите знаменитости и кога е најголема жештина.

5. Папараци

Дигиталните фотоапарати ги ставиле на норма. Ако на крајот од патувањето немате илјадници слики да покажете на пријателите – исто како да не сте биле на одмор.

Туристите често пропуштаат голем дел од одморот непрестајно скокајќи наоколу со апаратите.

6. Мрзливци

Цел ден приговараат – храната не им чини, собата им е темна, персоналот нељубезен...

7. Зависници од телевизија

Напуштаат дружба на плажа за да гледаат серија или утакмица. Се вознемируваат ако не можат да ги пронајдат каналите кои ги имаат и дома.

8. Зависници од работа

Мислат дека светот зависи од нив. На плажа користат лаптоп и на секои 10 минути проверуваат дали им стигнала порака или повик. Не веруваат дека колегите можат без нив тие неколку дена.

Се пронајдовте?