Конечно објаснето: Зошто не можеме да поднесеме како ни звучи сопствениот глас?

Секогаш кога имаме прилика да слушнеме како ни звучи сопствениот глас, искуството толку многу нé нервира што се прашуваме „како може да звучам толку ужасно?“

Конечно е откриена причината зошто она што го слушаме ние се разликува од она што другите околу нас го слушаат.

Професорот Мартин Бирчал од Универзитетот во Лондон објаснува дека кога зборуваме, нашите гласни жици вибрираат и слушаме два звука- нашиот глас и вибрацијата. Додека зборуваме, луѓето околу нас нé слушаат како „на звучник“, а ние сами се слушаме како од „внатрешна пештера“.

Гласот патува преку синусите, празниот дел од главата и средниот дел од ушите, па затоа има разлика во начинот на којшто другите го слушаат звукот и ние сами.

Тоа што не ни се допаѓа нашиот глас не значи дека ни е ужасен, туку дека ние сме се навикнале на гласот како што ни звучи во главата, а не како што всушност звучи кога зборуваме.

М. В. | Црнобело