Како да заштедите пари додека сте на одмор?

Конечно собравте доволно пари за да отидете на одмор. Секако дека сакате да си поминете убаво и да не се откажувате од одредени задоволства.

Но, постојат неколку паметни начини да заштедите пари без да правите големи жртви и компромиси.

Букирајте лет пред време

Кога станува збор за авионски билети, тајмингот е најважен. Колку порано букирате, толку помала цена ќе чини билетот. Најдобро време за закажување лет е 54 дена пред да тргнете. Следете ги веб-страниците кои ве известуваат кои денови има попуст за летање на одредена дестинација. Пример е сајтот Scyscanner.

Ценкајте се

Анкетите покажале дека само 28% од гостите бараат подобра понуда на рецепција во хотелот во кој престојуваат, а дури 78% од нив и ја добиваат. Совет плус: ако се чекирате после 18 часот, имате шанса да добиете подобра соба.

Користете јавен превоз или велосипед

Јавниот превоз или возењето велосипед во странство е подобра опција од тоа да изнајмите автомобил или да се возите со такси. Обично се продаваат пакет-билети, дневни или со повеќе возења, кои се најисплатливи. Плус, ќе можете да запознаете интересни делови од тоа место.

Плаќајте со картичка

Плаќањето со картичка во странство има свои предности. Проверете дали вашата картичка има дополнителни трошоци за плаќање во странство. Ако нема, ќе добиете подобар курс отколку во менувачница. А, ако картичката нуди опција за бонуси за патувања, ќе соберете поени за следните патувања.

Симнете апликации за попуст

Пред да отидете на саканата дестинација, проверете каде има купони за попуст (во стил на Groupon). Така секогаш ќе знаете што нуди тоа место и ќе заштедите пари.

М. В. | Црнобело