Мис фотогеничност: Која е најдобрата поза за поубав изглед на ликот?

Која е вашата поубава страна? Сите ја имаат, а таа би требало да биде поистакната во текот на фотографирањето. За таа цел, ви ја откриваме единствената тајна на фотогеничноста што треба да ја знаете.

Ако некогаш сте се запрашале, како славните девојки речиси секогаш одлично изгледаат на сликите, тогаш време е да го дознаете одговорот.

Иако ни е потполно јасно дека тие зад себе имаат и комплетна „глам“ екипа, која се грижи везден да изгледаат најдобро што можат, и една одредена поза исто така им помага да заблескаат на фотографиите, кои редовно го обиколуваат целиот свет.

Станува збор за позата при која ја наклонувате главата на една страна – вашата подобра страна, спуштајќи ја притоа малку брадата. Во ред, сега ви фали уште само насмевка, која за миг ја подобрува секоја фотка, и тоа е тоа.

Не сте сигурни која е вашата најдобра страна? И тоа знаеме. Според едно научно истражување, мнозинството луѓе се емоционално поекспресивни од левата страна, па таа страна им е пофотогенична.

Зошто токму оваа поза? Затоа што наклонувањето на главата ги омекнува сенките на лицето, кои не се нималку ласкави, а и визуелно ја издолжува вилицата, поради што изгледате повитки од што реално сте.

Иако во животот секогаш треба да ја кревате главата кон горе, кога се во прашање одличните фотки на Инстаграм, сепак, спуштете ја малку.

М. А. | Црнобело