Се оперирал сам себе

Станува збор за постар настан, но вреден да се спомене и сподели со оние кои не чуле. Ноќта на 29-ти април 1961 година, доктор од шестата...

 

...антарктичка експедиција – Леонид Розогов, кој тогаш имал 27 години, почувствувал грозница и силна болка во долниот предел на стомакот.

Следниот ден симптомите се влошиле: слабост, мачнина, висока температура и уште посилни болки во стомакот.

Бидејќи било дијагностицирано воспаление на слепото црево, а не постоела можност да повика авион да дојде до него, како и фактот дека бил единствен доктор на станицата “Novolazarevskaya“, Леонид се одлучил на радикален потег- да се оперира сам.

Под дејство на локална анестезија и со асистирање на еден инженер и метеоролог, тој ја започнал операцијата која траела 1 час и 45 минути.

Успешно го отстранил слепото црево и после неколку дена состојбата му се стабилизирала, а настанот брзо се прочул низ Советскиот Сојуз и целиот свет, правејќи го докторот вистински херој и ѕвезда.