Ситуации кои секогаш се случуваат во најлош момент

Ви се чини ли понекогаш дека универзумот си поигрува со вас, само за некој добро да се насмее на ваша сметка?

Нека дигне рака личноста што не доживеала барем една од овие мошне непријатни, иритантни или засрамувачки ситуации:

Среќавање на бившата љубов

Непишано правило е дека бившиот ќе го сретнете кога изгледате најлошо.

Со месеци одите во теретана, имате нова фризура, гардероба која покажува дека сте на врвот од својата „игра“, а конечно сте научиле и како да го совладате и најтешкиот трик за разубавување.

Но, се разбира, бившиот ќе го видите дури тогаш кога ќе одлучите само да скокнете до продавница, во стара тренерка, со масни прамени на главата и мозолче на челото, поради кое потсетувате на еднорог.

За работата да биде уште полоша, тој е во придружба на новата девојка, која и среде бел ден е совршено дотерана.

Докажување пред колегите

Сте дошле на ново работно место и имате силна желба да покажете колку сте способни.

Да оставите впечаток на личност која ќе биде одличен колега и уште подобар вработен.

Да, голема е шансата дека на првиот ден во канцеларија ќе имате остатоци од сендвич меѓу забите, на чевлите малку тоалетна хартија, или, пак, здолништето да ви остане заглавено во хулахопките.

Акни, мозолчиња и останати кожни проблеми

Сте забележале ли дека оние најголемите, се појавуваат баш пред свадбата на која ќе биде и вашата соперничка, важниот деловен состанок или годишнината од матура?

Дефект на автомобилот, машината за перење и бојлерот

Ви ја намалиле платата?

Ох, не, универзумот ви испраќа уште еден скап предмет кој мора го поправите, доколку не сакате да перете во ладна вода, да пешачите или да се смрзнете.

Батерија на 0%, а полнач ни за лек

Гарантираме дека ова ќе се случи баш кога очекувате важен повик или порака.

Заборавање на важни имиња

Како е возможно - сѐ уште можете во минута да ги изрецитирате имињата на сите ликови кои некогаш се појавиле во сериите „Беверли Хилс“, „Сексот и градот“ и „Пријатели“, а немате поим како се вика жената со која пред неколку дена сте разговарале на деловниот состанок?

Жената, што може злато да ви вреди кога е кариерата во прашање. Тамара? Тања? Анастасија? Хммм…

М. А. | Црнобело